Türkmenistanyň Döwlet çeperçilik akademiýasynyň ýanyndaky Türkmen döwlet ýörite çeperçilik mekdebi TSSR-iň Halk magaryf komissarlygynyň karary esasynda 1931-nji ýylyň 7-nji noýabrynda, Aşgabat şäheriniň Çeperçilik uçilişşesi ady bilen döredilýär we uçilişşä Şota Rustaweliniň ady dakylýar. 1994-nji ýyldan başlap, uçilişşe Türkmenistanyň Prezidentiniň 1994-nji ýylyň ýanwar aýynyň  1-indäki 1552 belgili kararyna laýyklykda döredilen Türkmenistanyň Döwlet çeperçilik akademiýasynyň garamagyna berlip, ol Türkmenistanyň Döwlet çeperçilik akademiýasynyň ýanyndaky Türkmen döwlet çeperçilik uçilişşesi ady bilen hereket edýär, 2002-nji ýylyň aprel aýyndan bäri, Türkmenistanyň Medeniýet ministrliginiň 2002-nji ýylyň 11-nji aprelindäki 22-D belgili buýrugyna laýyklykda, uçilişe Türkmenistanyň Döwlet çeperçilik akademiýasynyň ýanyndaky Türkmen döwlet ýörite çeperçilik mekdebi - diýlip atlandyrylyp başlandy. Türkmenistanyň Döwlet çeperçilik akademiýasynyň ýanyndaky Türkmen döwlet ýörite çeperçilik mekdebi Aşgabat şäheriniň Statistika müdirligi tarapyndan 1994-nji ýylyň fewral aýynyň 8-ine 9196 belgili şahadatnama esasynda ilkinji gezek hasaba alyndy.

  Türkmenistanyň Medeniýet ministrligi mekdebiň Esaslandyryjysy bolup, onuň hukuk salgysy: Aşgabat şäheri, Bitarap Türkmenistan şaýoly, 461-nji jaý. Ministrlik Türkmenistanyň Ykdysadyýet we ösüş ministrliginiň Edara görnüşindäki taraplarv we maýa goýum taslamalaryny döwlet tarapyndan hasaba almak müdirligi tarapyndan 2011- nji ýylyň dekabr aýynyň 5-ine 24248682 belgi bilen hasaba alyndy.

Mekdep Türkmenistanyň medeniýet, bilim ulgamlary we döredijilik toparlary hem-de birleşmeleri üçin orta hünär bilimli hünärmenleri taýýarlaýan döwlet bilim edarasydyr.

Okuw  mekdebimiziň  talyplarynyň  sanawy 16.01.2025-nji ýylyň  ýagdaýyna – 257 talyp. Olaryň  187 – sanysy  býudjet esasynda we 70 – sanysy tölegli esasda okaýar.

2024-2025-nji okuw ýylynda mugallym işgärler – 52  sany (şol sanda 1 sany sagatlaýyn). Häzir ýokary derejeli mugallym - 5 sany, birinji derejeli - 1 sany we ikinji derejeli – 17  sany mugallym bolup durýar.

Okuw  mekdebimizde  4 (dört)  ýyl okaýarlar we “Ýörite  orta  bilim hakynda  Diplom”  berilýär. Okuw  mekdebimizde  ugur 8.53.00.00 “Sungatyň şekillendiriş we amaly görnüşleri”  boýunça  9  sany  hünär  boýunça  hünärmen  taýýarlanýar:

1. 8.53.02.02 Nakgaşçylyk (görnüşleri boýunça);

2. 8.53.02.03 Grafika (görnüşleri boýunça);

3. 8.53.02.05 Sahna  bezegi;

4. 8.53.02.06 Dizaýn (görnüşleri boýunça);

5. 8.53.02.07 Çeper dokaýyş;

6. 8.53.02.08 Metaly çeper bejermek;

7. 8.53.02.09 Agajy  çeper  bezemek;

8. 8.53.02.10 Çeper  keramika;

9. 8.53.02.11 Heýkeltaraşlyk.

I. Býujet esasynda:

1.Nakgaşçylyk.

II. Tölegli esasda:

1.Nakgaşçylyk.

2.Dizaýn.

3.Sahna bezegi.

4.Agajy çeper bezemek.

Okuw  binasy  boýunça:

Türkmenistanyň  Ministrler  Kabinetiniň  Başlygynyň  degişli  Orunbasarynyň  2020-nji  ýylyň 26-njy oktýabryndaky 7/37849  belgili   we  Türkmenistanyň  Medeniýet  ministrliginiň 29.10.2020-nji  ýyldaky      2-04/5854  belgili   tabşyryk hatlary  esasynda  Türkmen döwlet ýörite çeperçilik mekdebiniň Okuw binasyny Aşgabat şäher Häkimliginiň hasabynda duran ozalky A.S.Puşkin adyndaky umumy orta bilim berýän bilelikdäki türkmen-rus mekdebine wagtlaýyn göçürildi.

1. Okuw  binasynyň  tutýan  umumy  meýdany: 2754,69 ined.m., 2(iki) gat.

2. Binanyň  gurlup  tabşyrylan ýyly- 1968-nji  ýylda, binanyň  durky (kerpiç)

3. Binanyň  mekdebe  berlen  ýyly: - 2020-nji  ýylda

4. Binanyň  sygymy: 215 orunlyk (çeperçilik hünäri üçin)

5. Binanyň  okuw  otaglarynyň  sany: 45  otag

6. Binanyň  iş  otaglarynyň  sany: 11 otag

7. Binanyň  Tükelleýiş  kitabynyň dublikaty  bar, döredilen  ýyly 1968ý, täzeden  düzülen 2014 ý.

8. Binanyň  balans  degişliligi – Aşgabat  şäher  häkimligi

9. Binanyň  ýerleşýän  salgysy: Aşgabat  şäheri  Aga  Berdiýew  köçesiniň 127-nji  jaýy.